კონკურს-ფესტივალის ,,ქართული’’ გრანპრის მფლობელი ანსამბლი ,,თამარიონია’’

გრანპრით ხელდამშვენებული და უსაზღვრო ემოციით გახარებული   დაუბრუნდა  ბოლნისს კონკურს- ფესტივალიდან   ,,თამარიონი.’’ პირველივე საფესტივალო წელს ,,ქართულის’’ მთავარი ჯილდოს მფლობელი  ბოლნისის კულტურის სახლთან არსებული ქორეოგრაფიული ანსამბლი „თამარიონი“ გახდა.  ფესტივალზე  24 ანსამბლის, 1500-მდე მოცეკვავე მონაწილეობდა. კომპეტენტური ჟიურის შეფასებით 25 აპრილს, გალა-კონცერტზე,  ათ სხვადასხვა ნომინაციაში გამოვლენილ საუკეთესო მონაწილეს შორის გარდამავალი გრანპრით ,,თამარიონი’’ დაჯილდოვდა. აღსანიშნავია,რომ  ანსამბლი  2004 წელს დაარსდა და არაერთი ჯილდოს და გრანპრის  მფლობელია.