17 მაისს, ოჯახის სიწმინდის დღეს, საყოველთაო ჯვრისწერა გაიმართება. ტრადიციას საფუძველი სრულიად საქართველოს კათოლიკოს- პატრიარქის ილია მეორის ლოცვა-კურთხევით ჩაეყარა, რომლის მიზანია ოჯახის სიწმინდისა და სიძლიერისთვის ხელშეწყობა, მრევლის ეკლესიისკენ შემობრუნება და რწმენაში გაძლიერება. საყოველთაო ჯვრისწერას, რომელიც საქართველოს საპატრიარქოს „ჩოხოსანთა საზოგადოების“ ორგანიზებით ხორციელდება, ბოლნისის ეპარქიაც ყოველწლიურად უერთდება. ბოლნელი მთავარეპისკოპოსის ლოცვა-კურთხევით, მიმდინარე წლის, 17 მაისს ბოლნისის სიონის საკათედრო ტაძარში საყოველთაო ჯვრისწერა გაიმართება. დაინტერესებულმა ჯვარდაუწერელმა წყვილებმა რეგისტრაცია უნდა გაიარონ ჩოხოსანთა საზოგადოების ბოლნისის სადროშოს წარმომადგენლობაში, ჯვრისწერის სამსახურში ან დარეკონ ტელეფონის ნომერზე: 59985951 ,599859855.
- Advertisment -
