„გაზეთი ბოლნისი“ იწყებს ახალ პროექტს „ოჯახი“, რომელიც გარკვეული პერიოდულობით შემოგთავაზებთ და გაგაცნობთ ბოლნისის მუნიციპალიტეტში მცხოვრებ, გამორჩეულ და მისაბაძ ოჯახებს. აღნიშნული რუბრიკის პირველი სტუმარია მრავალშვილიანი ოჯახი, რომელიც ნათელი მაგალითია იმისა, თუ როგორი უნდა იყოს ქართული ოჯახი, როგორ უნდა დავაბალანსოთ ტრადიციები თანამედროვეობასთან და აღვზარდოთ მომავალი თაობა.
დეკანოზი კონსტანტინე კობახიძე 7 შვილისა და უამრავი სულიერი შვილის მამაა, რომელიც ქ. ბოლნისში, წმ.გიორგის სახელობის ტაძარში და იოანე ბოლნელის სახელობის სასულიერო სკოლაში მოღვაწეობს. ბოლნისის ეპარქიაში მისი გზა დიაკვნობიდან დეკანოზობამდე პერიოდს მოიცავს. თუმცა ცხოვრებისეულ გზას დაბადებიდან დღემდე და არა მარტო, მის სახლში კედელზე გაკეთებული დეკორაციით ქრონოლოგიურად გვიყვება.
