ქვემო ბოლნისის №1 საჯარო სკოლაში პროექტის „არაფორმალური განათლება ჩვენი განვითარებისთვის“ დასკვნითი ეტაპი გაიმართა, რომელშიც დამეგობრებული სკოლები იღებდნენ მონაწილეობას. აღნიშნული პროექტი 3 ეტაპად განხორციელდა და იგი კულტურულ, სპორტულ და შემეცნებით აქტივობებს მოიცავდა.
პროექტი „არაფორმალური განათლება ჩვენი განვითარებისთვის“ ახალგაზრდული იდეის მიერაა დაფინანსებული და მისი მიზანი ეთნიკურად აზერბაიჯანელი, სომეხი და ქართველი ბავშვების დამეგობრება და ერთმანეთისთვის კულტურის, ტრადიციების და ისტორიის გაზიარებაა.
