ფესტივალში „მზიანი საქართველო“,  მონაწილეობა  ბოლნისის მუნიციპალიტეტის კულტურის ცენტრთან არსებულმა თოჯინების თეატრმა მიიღო

0
193

14-19 დეკემბერს ბაკურიანში ჩატარდა შემოქმედებითი ფესტივალი „მზიანი საქართველო“, რომელშიც მონაწილეობდა ბოლნისის მუნიციპალიტეტის კულტურის ცენტრთან არსებული თოჯინების თეატრი სპექტაკლით „შვიდფერა ყვავილი“ (ვალენტინ კატაევის „შვიდფერა ყვავილის“ მიხედვით).

თოჯინების თეატრების რიგით მეხუთე ფესტივალზე ჟიურის გადაწყვეტილებით თეატრი შემდეგ ნომინაციებში დაჯილდოვდა: საუკეთესო სცენოგრაფია და ჟიურის რჩეული (მზევინარ ხომასურიძე).

გარდა ამისა, სცენარის ავტორებს, გოჩა ხელიძესა და ნათია შეშაბერიძეს, ასევე, თეატრის დასის ყველა წევრს აქტიური მონაწილეობისათვის დიპლომები გადაეცა.

ფესტივალის მიზანია თოჯინების თეატრალური ხელოვნების პოპულარიზაცია, განვითარება და მათი ხელშეწყობა-ნათქვამია ბოლნისის კულტურის ცენტრის მიერ გამოქვეყნებულ ინფორმაციაში

წინა სტატიასიკეთე გადამდებია- ფონდი ,,მონაგარი’’ ხუთი წლისაა
შემდეგი სტატიასაპატრიარქო განცხადებას ავრცელებს