პრობლემა, რომელიც მრავალბინიანი საცხოვრებელი კორპუსების შიდა ეზოების მოწესრიგება-მოასფალტებას უკავშირდება, გვარდება. მიმდინარე წელს დაიწყო და აქტიურად მიმდინარეობს, პრობლემის გადასაჭრელი ღონისძიების გატარება. სამუშაოები მხარის გუბერნატორმა გიორგი დოხტურიშვილმა, ბოლნისის მუნიციპალიტეტის მერთან, დავით შერაზადიშვილთან ერთად მოინახულა.
ქალაქ ბოლნისში, აღმაშენებლის ქუჩაზე 9 მრავალსართულიანი ბინის ეზო კეთილმოეწყო, ამ ეტაპზე კი სამუშაოები კიდევ 3 კორპუსის ეზოში მიმდინარეობს. შიდა ეზოების მოასფალტების სამუშაოები რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება და მისი ჯამური ღირებულება 1 571 900 ლარს შეადგენს. აღსანიშავია, რომ სამუშაოები მომავალ წელსაც გაგრძელდება და მთლიანად მოიცავს ბოლნისის მრავალბინიანი კორპუსების შიდა ეზოებს.
