ექვს დეკემბერს კახის სახელმწიფო ქართული დრამატული თეატრი ბოლნისს ეწვია და კულტურის სახლის სცენაზე ბოლნისელი მაყურებლისთვის სპექტაკლი ,,პაემანი წარსულთან ანუ დედაჩემი ყველაზე ლამაზია,’’ ითამაშა. სპექტაკლი, რომელიც პირველად 2015 წელს დაიდგა, საერთაშორისო კონკურსის გამარჯვებულია. დასი ჰერეთის უძველეს საქართველოს ისტორიულ კუთხეში ცდილობს ქართული ენისა და კულტურის შენარჩუნებას. აღნიშნული გასტროლიც მიზნად მოძმე ერის გაცნობა- დამეგობრებას ისახავს.
კახის სახელმწიფო ქართული დრამატული თეატრი 1981 წელს ალიბეგლოს კულტურის სახლთან დრამატულ წრედ ჩამოყალიბდა, მოგვიანებით მას ილია ჭავჭავაძის სახელობის სახალხო თეატრის სტატუსი მიენიჭა, 2006 წელს კი სახელმწიფო წოდება მიიღო. თეატრმა საინტერესო და რთული გზა განვლო, მის რეპერტუარშია როგორც ქართველი, ასევე უცხოელი დრამატურგების ნაწარმოებები.
