ბოლნისის მუნიციპალიტეტის მერმა დავით შერაზადიშვილმა არასამთავრობო ორგანიზაცია „ფონდი მონაგარის“ წევრებთან შეხვედრა გამართა.
მერმა ფონდის წარმომადგენლებს დაბა კაზრეთში მიმდინარე და დაგეგმილი ინფრასტრუქტურული სამუშაოების შესახებ ინფორმაცია მიაწოდა და მათთან ერთად დაბის წინაშე არსებული გამოწვევების შესახებ იმსჯელა.
შეხვედრას მერის პირველი მოადგილე ბუბა გობეჯიშვილი, ადმინისტრაციული სამსახურის უფროსი პაპუნა მუშკუდიანი და სივრცითი მოწყობისა და ინფრასტრუქტურის სამსახურის უფროსი კონსტანტინე კორძაძე ესწრებოდნენ.
