საქართველოს საგანმანათლებლო და სამეცნიერო ინფრასტრუქტურის განვითარების სააგენტო, ბოლნისის მუნიციპალიტეტში, პროფესიული კოლეჯის მშენებლობას ახორციელებს. სამშენებლო სამუშაოებს საგანმანათლებლო და სამეცნიერო ინფრასტრუქტურის განვითარების სააგენტოს დირექტორი ლევან სუხიტაშვილი, ბოლნისის მუნიციპალიტეტის მერთან, მხარის გუბერნატორთან და საქართველოს პარლამენტის წევრთან ერთად ადგილზე გაეცნო.
პროექტის ფარგლებში 150 სტუდენტეზე გათვლილი 3 სართულიანი შენობა სრულ შესაბამისობაშია ევროპულ სტანდარტებთან, სასწავლო კომპლექსი აღიჭურვება თანამედროვე ინვენტარით და მოიცავს სხვადასხვა საგანმანათლებლო სივრცეებს, რომლის საერთო ღირებულება 6 700 000 ლარს შეადგენს.
ბოლნისში პროფესიული სასწავლებლის მშენებლობა, საქართველოს განათლებისა და მეცნიერების სამინისტროს დაფინანსებით მიმდინარეობს, რომელიც 2024 წლის ბოლოს შევა ექსპლოატაციაში და მსურველებს ყველაზე მოთხოვნადი პროფესიების შესწავლა შეეძლებათ.
