ბოლნისის ძიუდოს დარბაზში, დავით ნავერიანის ხსოვნისადმი მიძღვნილი მეერვე საერთაშორისო ტურნირი, საქართველოს ჰიმნით გაიხსნა. შეჯიბრში მონაწილებას 2011-2012 წლებში დაბადებული სპორტსმენები იღებენ. საქართველოს სხვადასხვა რეგიონიდან მოწვეული 200-მდე ძიუდოისტი, 2 დღის განმავლობაში, სხვადასხვა წონით კატეგორიაში იასპარეზებენ. საერთაშორისო ტურნირში, წელს პირველად, მონაწილეობას ძიუდოისტი გოგონები იღებენ.
დავით ნავერიანი არაერთი ტურნირის ჩემპიონი და პრიზიორი იყო, როგორც ძიუდოში, ასევე სამბოსა და ქართულ ჭიდაობაში.
შეჯიბრის გამარჯვებულები და პრიზიორები შესაბამისი მედლებით, სიგელებით და თასებით დაჯილდოვდებიან.
ტურნირი ბოლნისის მუნიციპალიტეტის მერიისა და საქართველოს ძიუდოს ფედერაციის ხელშეწყობით ტარდება.
