დღეს, ბოლნისის ზრდასრულთა განათლების ცენტრში, სამოქალაქო თანასწორობის პლატფორმის პროექტის ,,ეთნიკური და რელიგიური უმცირესობების წარმომადგენელ ქალთა განათლებისა და საკუთრების უფლების დაცვის ხელშეწყობა“ დასკვნითი ღონისძიება და დაჯილდოების ცერემონიალი გაიმართა.
აღნიშნული პროექტი , ბოლნისის მუნიციპალიტეტში, 6 თვის განმავლობაში, 20 სკოლაში ხორციელდებოდა, რომლის მიზანსაც გენდერული თანასწორობის და ქალთა უფლებების გაზრდა წარმოადგენდა. პროცესში ჩართულ გოგონებს უტარდებოდათ მასტერკლასები და ტრენინგები, სტატიებისა და ბლოგების შესაქმნელად.
ღონისძიების ბოლოს, პროექტში ჩართულ ყველა გოგონას, მადლობის სიგელები გადაეცათ, ხოლო საუკეთესო ბლოგის ,,ჩემი თვალით დანახული ქალთა უფლებების“ ავტორები ფულადი პრიზით დაჯილდოვდნენ.
