ბოლნისის მუნიციპალიტეტის ბიბლიოთეკები წიგნის ფონდით იზრდება. წიგნები, დღეს ბოლნისის მუნიციპალიტეტის მერმა დავით შერაზადიშვილმა, კულტურის ცენტრის ხელმძღვანელთან ერთად, გადასცა. 500 ერთეული სხვადასხვა ჟანრის წიგნი 11 ბიბლიოთეკაში გადანაწილდება. აღსანიშნავია, რომ ბიბლიოთეკების წიგნებით უზრუნველყოფა, მკითხველთა მოთხოვნის შესაბამისად ხდება.
წიგნების გადაცემის ღონისძიება, ბოლნისის მთავარ ბიბლიოთეკაში შედგა, სადაც ბიბლიოთეკების ხელმძღვანელებთან ერთად, წიგნის ფონდზე და ბიბლიოთეკების ინფრასტრუქტურაზე ისაუბრეს, თუ რა გამოწვევების წინაშე დგას ეს სამსახური.