ბოლნისის თეატრის სცენამ მესტიის კულტურისა და ხელოვნების ცენტრს უმასპინძლა სპექტაკლით „ბეთქილი“, რომელიც კულტურის სამინისტროს მხარდაჭერით გაიმართა.სპექტაკლს ბოლნისის ადგილობრივი ხელისუფლების წარმომადგენლები ესწრებოდნენ . სცენაზე გაცოცხლდა სვანური მითოლოგიის ერთ-ერთი ყველაზე ცნობილი და მისტიკური ლეგენდა , მონადირე ბეთქილისა და ნადირობის ქალღმერთ დალის ტრაგიკული ისტორია, რომელიც სიყვარულს, შთაგონებასა და ადამიანურ ვნებას შორის არსებულ დაპირისპირებას ასახავს. ბეთქილი , გამორჩეული მონადირე, ძლიერი და თავისუფალი ადამიანი, ბედისწერის წინაშე აღმოჩნდება მაშინ, როდესაც მის ცხოვრებაში ჩნდება ძალა, რომელიც მის შინაგან სამყაროს მთლიანად ცვლის. ქალღმერთი დალი მისთვის იქცევა არა მხოლოდ მისტიკურ არსებად, არამედ გრძნობის, ცდუნებისა და გარდაუვალი არჩევანის სიმბოლოდ. რეჟისორის კახა ბაკურაძის და პიესის ავტორის ევა მარგიანის ხედვით, სპექტაკლი ქმნის განსაკუთრებულ სცენურ სამყაროს, სადაც უძველესი სვანური თქმულებები თანამედროვე თეატრალურ ენას ერწყმის. „ბეთქილი“ სცენაზე პოეტურად, დრამატულად და ემოციურად გაცოცხლდა ,როგორც ისტორია, რომელიც ადამიანის შინაგან ბრძოლას, არჩევანსა და ბედისწერის ძალას გვიჩვენებს.
