27 დეკემბერს, ბოლნისის კუტურისა და დასვენების პარკში  ბადრი  უგულავას ხსოვნისადმი მიძღვნილი ტურნირის ფინალური შეხვედრა გაიმართა. სადაც  მონაწილეობდნენ  ბოლნისის სპორტულ-გამაჯანსაღებელი კომპლექსის ორი გუნდი  და დაბა კაზრეთის ერთი  გუნდი.  ფინალურ შეხვედრას  დაბა კაზრეთის გუნდი გამოეთიშა. პირველი მეორე ადგილები ბოლნისელმა ფეხბურთელებმა გადაინაწილეს და  მედლებითა და სიგელებით დაჯილდოვდნენ.  პირველ ადგილზე გასულმა გუნდმა კი, მედლებთან ერთად, გარდამავალი თასი მოიპოვა. ტურნირი მინი ფეხბურთში, ბადრი  უგულავას მეგობრებისა და, მუნიციპალიტეტის ორგანიზებით გაიმართა.

კომუნალური მეურნეობის სამსახურმა ტრადიციულად, წელსაც დამდეგი ახალი წელი თანამშრომლებს მიულოცა, ხოლო მათ, ვინც ყოველი დღის ოთხი საათიდან, დაღამებამდე ქალაქის სისუფთავესა და იერსახეზე ზრუნავს, საახალწლო ნობათი გადასცა. საჩუქრების შესაძენად თანხა საჯარო მოხელეთა პროფესიული კავშირის ბოლნისის რაიონულმა კომიტეტმა ორგანიზაციის საწევროდან გამოყო. შოკოლადის ასორტი, მაიონეზი, კარაქი, ბრინჯი, შაქარი და სხვა, ეს იმ პროდუქტების არასრული ჩამონათვალია, რითაც სამსახური თანამშრომლებს მეთერთმეტე წელია ასაჩუქრებს.

26 დეკემბერს, რიტუალური მომსახურების სააგენტოში, ამავე ორგანიზაციის ინიციატივით ჩატარდა ტრენინგი თემებზე: დასაქმებულთა შრომითი სოციალურ-ეკონომიკური და სამართლებრივი უფლება მოვალეობები, რომელიც რეგულირდება საქართველოს კანონის შრომის კოდექსით და ,,საქართველოს კანონი შრომის უსაფრთხოების შესახებ“- მოთხოვნები და რეკომენდაციები. სემინარს უძღვებოდა საქართველოს პროფესიული კავშირის გაერთიანების იურიდიული დეპარტამენტის იურისტი თამარ სურმავა, სადაც მონაწილეობდნენ ამერიკის ,,სოლიდარობის ცენტრის“ ექსპერტი ია ყაყიჩაშვილი და საქართველოს საჯარო მოსამსახურეთა პროფესიული კავშირის თავმჯდომარის მოადგილე მანანა გელაშვილი. ტრენინგი დისკუსიის რეჟიმში წარიმართა. ნინო შეყილაძე, რიტუალური მომსახურების სააგენტოს ხელმძღვანელი: ,,რიტუალური მომსახურების სააგენტოში, სულ რაღაც ერთი თვეა დაფუძვნდა პროფკავშირები რომელშიც 67 თანამშრომელი გავწევრიანდით. ჩვენი მოთხოვნით ჩატარდა ტრენინგი პროფკავშირების უფლებების, დასაქმებულთა და შრომის სოციალურ-ეკონომიკური უფლებების დაცვა და გაუმჯობესების შესახებ. მინდა რომ ჩემმა თანამშრომლებმა აიმაღლონ ცოდნა შრომითი უფლებების საკითხში. მანანა გილაშვილი, საქართველოს საჯარო მოსამსახურეთა პროფესიული კავშირის თავმჯდომარის მოადგილე: ჩვენ ბოლნისში ვატარებთ ტრენინგს პროფკავშირების უფლებების, დასაქმებულთა შრომის, სოციალურ-ეკონომიკური უფლებეის დაცვისა და გაუმჯობესების შესახებ, უფლებები რომელიც რეგულირდება საქართველოს ორგანული კანონის შრომის კოდექსის შესაბამისად და მეორე თემა ახალი კანონი შრომის უსაფრთხოების შესახებ, ძალიან მნიშვნელოვანია და ის ავალდებულებს დამსაქმებელს ჰყავდეს შრომის უსაფრთხოების ინსპექტორი მაინც, რომელიც კონტროლს გაუწევს ადგილზე შრომის პირობებს და თავდაცვის რეგულაციებს. სემინარი დაფინანსებულია ამერიკის პროფკავშირების სოლიდარობის ცენტრის მიერ.

საქართველოს პარლამენტში ბოლნისის მაჟორიტარმა და მუნიციპალიტეტის მერმა, ადგილობრივი ხელისუფლების სხვა წარმომადგენლებთან ერთად, სათნოების სახლის ბენეფიციარებს მოახლოებული დღესასწაული მიულოცეს და საახალწლო ნობათები გადასცეს. კვების პროდუქტები დღეს 170 ოჯახმა მიიღო. მუნიციპალიტეტისგან საახალწლო ნობათები მიიღეს შინ მოვლის სერვისით მოსარგებლე ბენეფიციარებმაც. ხელმძღვანელობამ შინ მოვლის სერვისით მოსარგებლე ოჯახები მოინახულა, დამდეგი შობა-ახალიწელი მიულოცა და ტკბილეული მიუტანა. აღსანიშნავია, რომ ბოლნისის მუნიციპალიტეტის მერია სოციალური პასუხისმგებლობის პროგრამის ფარგლებში 350 ბენეფიციარს ყოველდღიურად ერთჯერადი საკვებით უმასპინძლდება.

 ბოლნისის მუნიციპალიტეტის მერიის მიერ მხარდაჭერილი საზოგადოებრივი გაერთიანება ,,ეროვნული იმპერატივის’’ პროექტი დასრულდა. ერთი  წლის მანძილზე ,,ილია ჭავჭავაძის შემოქმედებითმა კლუბმა’’ ბოლნისელი მოსწავლეებისთვის თორმეტი აქტივობა  განახორციელა. შემაჯამებელი ღონისძიების თემა  განათლება, აღზრდა, შემეცნება და სამოქალაქო  კულტურა იყო, მოეწყო სემინარი და შემეცნებითი თამაშები,რის შემდეგაც პროექტი საზეიმოდ დაიხურა, სერთიფიკატებით დაჯილდოვდნენ აქტიური მონაწილეები, ხოლო პროექტის წარმატებით განხორციელებაში შეტანილი წვლილისთვის  მადლობის სიგელი გადაეცა ბოლნისის მუნიციპალიტეტის მერიის  განათლების, კულტურის, სპორტისა და ახალგაზრდული საქმეთა  სამსახურის უფროსს.

საზოგადოებრივი გაერთიანება ,,ეროვნული იმპერატივის ‘’ პროექტი მიზნად ისახავდა რეგიონში კულტურისა და საგანმანათლებლო სივრცის სტიმულირება – წახალისებასა და ხელშეწყობას,არაფორმალური განათლების კომპონენტების დანერგვასა და პოპულარიზაციას,ახალგაზრდების სახელმწიფოებრივი და სამოქალაქო ცნობიერების ამაღლებას.