რა ეტაპზეა პირველ საჯარო სკოლაში მიმდინარე სარეაბილიტაციო სამუშაოები

0

ქ.  ბოლნისის №1   საჯარო სკოლას 2020 წლის ნოემბრის თვიდან, მუნიციპალური განვითარების ფონდის დაფინანსებით, სრული სარეაბილიტაციო სამუშაოები უტარდება.   ორ სართულიან სკოლას, რომელსაც მეორე ფლიგელი მინაშენი აქვს, ავარიული იყო,  ამიტომ მოხდა მთლიანად შენობის გამაგრება. ამ ეტაპზე დასრულებულია გადახურვის სამუშაოები და ნაწილობრივ ჩასმულია  ფანჯარები,  სკოლის შიგნით არასტანდარტულ პატარა საკლასო ოთახებში მოიხსნა ტიხრები და გაფართოვდა, დამონტაჟდება იატაკქვეშა გათბობის სისტემა, წლების განმავლობაში არსებული პრობლემა,  რომელიც  სველ წერტილებს ეხებოდა მთლიანად მოგვარდება, სპორტული დარბაზები იქნება როგორც შენობაში ასევე გარეთაც, შშმ პირებისთვის სკოლა სრულად იქნება ადაპტირებული , მთლიანად შემოიღობება შენობის გარე პერიმეტრი.  მიმდინარე სამუშაოები დღეს ბოლნისის მუნიციპალიტეტის საგანმანათლებლო რესურსცენტრის ხელმძღვანელმა ია სვანიძემ და ქ. ბოლნისის  №1საჯარო სკოლის დირექტორმა ირმა წაქაძემ მოინახულეს.

სკოლაში მიმდინარე სარემონტო სამუსაოების გამო მოსწავლეები ქალაქის ორ სკოლაში არიან გადანაწილებულები.  ისინი საკუთარ სკოლას 2021-22 სასწავლი წლის მეორე სემესტრში დაუბრუნდებიან. სკოლაში საკლასო ოთახები ევრო სტანდარტების შესაბამისად გაფართოვდა რამაც კლასების შემცირება გამოიწვია, ამიტომ შესაძლოა სწავლება ორ ცვლაში განახლდეს.  800 მოსწავლეზე გათვლილი ისტორიული შენობა, რეაბილიტაციის შემდეგ,  ევრო სტანდარტებს დააკმაყოფილებს.

1 დეკემბერი შიდსთან ბრძოლის საერთაშორისო დღეა

0

ჯანდაცვის მსოფლიო ორგანიზაციისა და გაეროს გენერალური ასამბლეის მიერ, 1988 წლის მიღებული გადაწყვეტილებით, 1 დეკემბერი შიდსთან ბრძოლის საერთაშორისო დღედ გამოცხადდა. ამ დღეს მსოფლიოს ნებისმიერ ქვეყანაში ადამიანები სხვადასხვა აქტივობით ერთიანდებიან, რათა აივ ინფიცირებულებს სოლიდარობა გამოუცხადონ. შიდსთან ბრძოლის დღე, ჩვენს ქვეყანაშიც ყოველწლიურად იმართება და აღნიშნული ინფექციის მიმართ საზოგადოებაში ცნობიერების ამაღლებას ემსახურება –  სწორედ ამ თემის ირგვლივ ბოლნისის პირველადი ჯანმრთელობის დაცვის ცენტრი „ტრიომედი“-ს ექიმ-ინფექციონისტი მთვარისა ყუბანეიშვილი გვესაუბრება.

შიდსი ნელა პროგრესირებადი ინფექციური დაავადებაა, მას იწვევს ადამიანის იმუნოდეფიციტის ვირუსი (აივ). ვირუსი ადამიანის ორგანიზმში შეჭრის შემდეგ, აზიანებს ორგანიზმის იმუნურ (დამცველ) სისტემას და მწყობრიდან გამოჰყავს იგი, რის შემდეგაც ინფიცირებულ პირს ადვილად უჩნდება სხვადასხვა ინფექციური და სიმსივნური დაავადება.

მართალია აივ ინფექციას პათოგენური კლინიკური ნიშნები არ გააჩნია,  მაინც შეიძლება გამოიყოს სიმპტომებისა და დაავადებების ჯგუფი, რომელთა დროს პირველ რიგში ეჭვი უნდა იქნას მიტანილი აივ ინფექცია/შიდსზე, ესენია:

-არამოტივირებული ცხელება;

-წონაში კლება სხეულის მასის 20%-ით და მეტად ძლიერი საერთო სისუსტე;

-ოფლიანობა;

-ლიმფური კვანძების გადიდება;

-ფაღარათი;

-სხვადასხვა სახის გამონაყარი კანსა და ლორწოვანზე, თეთრი ფერის ნადები ენაზე;

-გახანგრძლივებული ფილტვების ანთება, რომელიც ცუდად ექვემდებარება ჩვეულებრივ ანტიბაქტერიულ თერაპიას;

-ნერვული სისტემის სხვადასხვა სახის დაზიანება: დემენცია, მენინგიტი, ენცეფალიტი, მიელოპათია, პერიფერიული ნეიროპათია და სხვა.

აუცილებლად უნდა გავითვალისწინოთ ეპიდემიოლოგიური მონაცემები (მაღალი რისკის ჯგუფები, აივ ინფიცირებულთან კონტაქტი და სხვა).

როგორ დავიცვათ თავი დაინფიცირებისგან:

აივინფექციისგან დამცავი ვაქცინა ჯერჯერობით არ აღმოუჩენიათ, ამიტომ, გადავურჩებით თუ არა ვირუსს, მხოლოდ ჩვენზეა დამოკიდებული.

-არასოდეს გამოიყენოთ სხვისი ნემსი, სამართებელი თუ ჯაგრისი;

-თუ სისხლთან შეხება მოგიწევთ, გამოიყენეთ რეზინის ხელთათმანი;

-სამედიცინო მანიპულაციის ან კოსმეტოლოგთან ვიზიტისას დარწმუნდით, რომ ყველა ინსტრუმენტი სათანადო წესით არის გასტერილებული;

-და რაც მთავარია, სქესობრივი კავშირის, მით უფრო შემთხვევითი კონტაქტის დროს, უთუოდ გამოიყენეთ ბარიერული დაცვის საშუალება (პრეზერვატივი).

შიდსის პრევენციის საუკეთესო გზა – სწრაფი, უფასო და ანონიმური ტესტირების პროგრამაა, რომელსაც ახორციელებს „შიდსის ჯანდაცვის ფონდი“ 2020 წლიდან.

 ქვემო ქართლის სათემო ორგანიზაციამ ,,ნეკერი’’ახალი კამპანია დაიწყო

0

„ნეკერის“ თანადამფუძნებლებმა,  მოხალისეობრივი სახალხო დაფინანსების (crowdfunding) კამპანია- „მეტი სათამაშო და წიგნი ბავშვებს’’ დაიწყეს.

,,ვერთიანდებით და ვიწყებთ თანხის შეგროვებას, რადგან ბოლნისის ბაგა-ბაღების, ასევე ალტერნატიული სასკოლო მზაობის ჯგუფების 1300-მდე აღსაზრდელს ძალიან სჭირდება:

სათამაშოები – კუბიკები, ფაზლები, თოჯინები, მანქანები, თემატური ლოტო, სხვა ასაკობრივად შესაბამისი განმავითარებელი სათამაშოები;

ბავშვების ინტერესებზე და საჭიროებებზე მორგებული თანამედროვე წიგნები;

იატაკზე დასაგები ფაზლები და სხვა აუცილებელი რესურსები თუ მასალები.

აღნიშნულ საჭიროებაზე ვთანხმდებით ყველა – მშობლები, ბაღების და გაერთიანების თანამშრომლები და ადგილობრივი ხელისუფლება.

მეგობრებო, ახლა, ამ კამპანიის ფარგლებში ჩვენი რესურსების გაერთიანებით შევძლებთ, რომ 2023 წლიდან ბოლნისის ბაღებში ბავშვებისთვის შევიტანოთ საინტერესო თამაშით, წიგნის კითხვით გამოწვეული სილაღე, სინათლე და ბედნიერება.

მხოლოდ გაერთიანებით შევძლებთ ამ ჯადოსნური საქმის გაკეთებას!

ბავშვებისთვის ვერთიანდებით ყველა:

ადგილობრივი თვითმმართველობა; მშობლები; საჯარო და კერძო დაწესებულებების საზოგადოებები; ადგილობრივი და ქვეყნის მასშტაბით მოქმედი მცირე თუ მსხვილი ბიზნესები; ბოლნისის, საქართველოს სხვა მუნიციპალიტეტების და მსოფლიოს ნებისმიერ მხარეში მცხოვრები მოქალაქეები.

„ნეკერის“ თანადამფუძნებლებს გაგვიხარდებოდა, ჯადოსნური ჯოხი რომ გვქონოდა და ბაღები სათამაშოებით, წიგნებით და სხვა რესურსებით თვალის დახამხამებაში, ზედმეტი ძალისხმევის გარეშე შეგვევსო… სანაცვლოდ შეგვიძლია, რომ ბევრი ადამიანის, ორგანიზაციის გაერთიანებით გავაკეთოთ ძალიან მაგარი, მართლაც ჯადოსნური საქმე ჩვენი უკეთესი მომავლისთვის.

მეგობრებო, საჭიროდ მიგვაჩნია, იცოდეთ, რომ “ნეკერის” გუნდი ამ კამპანიას ახორციელებს მოხალისეობრივად. რაც უნდა წარმოუდგენლად ჟღერდეს, სრულიად ენთუზიაზმით ვმოქმედებთ.

რამ გვამოძრავებს:

ჩვენი შინაგანი მოტივაცია;

ორგანიზაციული პასუხისმგებლობა ბავშვების მრავალმხრივი განვითარების საქმეში;

ორგანიზაციულ პასუხისმგებლობას დამატებული ჩვენი პიროვნული პასუხისმგებლობა ბოლნისის საზოგადოების მდგრადი (გრძელვადიანი, საფუძვლიანი) განვითარების საქმეში, რადგან გვჯერა, ბავშვების სრულფასოვან პიროვნებებად ჩამოყალიბების ხელშეწყობის გარეშე უკეთესი მომავალი არ დადგება. ურყევად გვჯერა იმისაც, რომ თითოეული მოქალაქის პასუხისმგებლობაა საკუთარ გარემოზე, მუნიციპალიტეტზე ზრუნვა. თითოეული ჩვენგანის მხოლოდ სწორ მცდელობას და სწორ თანამონაწილეობას მოჰყვება ცვლილება და განვითარება. აუცილებლად მოჰყვება!

აქვე დავაზუსტებთ, რომ ბავშვების მრავალმხრივი (გონებრივი, ფიზიკური, სოციალური, ემოციური, პიროვნული, სულიერი) განვითარების ერთ-ერთი მნიშვნელოვანი ხელშემწყობი ფაქტორი სწორედ საბავშვო-ბაღებში შესაბამისი საგანმანათლებლო რესურსების არსებობაა.

ასმაგად სასიხარულო და საზეიმო იქნება “ნეკერისთვის”, თუ ბევრნი, რაც შეიძლება ბევრნი, შემოგვიერთდებით.

ამ საახალწლოდ თითოეული თქვენგანის, მეგობრის, ნაცნობის თუ უცნობის მხარდაჭერის გულწრფელი, ბავშვური მოლოდინი გვაქვს. გვჯერა, საფუძვლიანია ეს ჩვენი მოლოდინი და გაგვიმართლებთ აუცილებლად.

ამ ეტაპზე ბოლნისის მუნიციპალიტეტში ფაქტობრივად 11 საბავშვო ბაღი ფუნქციონირებს. გარდა ამისა დამატებით ალტერნატიული სასკოლო მზაობის ჯგუფები მუშაობს, შესაბამისად მათ ბენეფიციარებს ასევე ბაღების აღსაზრდელებად მოვიაზრებთ.

სულ 50-მდე ასაკობრივად დაყოფილი ჯგუფია. თითოეულისთვის საშუალოდ 1000 ლარი გვჭირდება, რომ ღირებული, ხარისხიანი საგანმანათლებლო რესურსების შეძენა შევძლოთ.

თანხის შეგროვებას ვიწყებთ დღეიდან და ვასრულებთ 20222წლის 31 დეკემბერს, 24:00 საათზე.

რესურსების შესყიდვას და ბაღებისთვის ეტაპობრივად მიწოდებას დავიწყებთ 9 იანვრიდან. კამპანიას დავასრულებთ 2023 წლის მარტის ბოლოს.

თანხას თავს ვუყრით „ნეკერის“ მითითებულ ანგარიშზე.

GE79BG0000000538207380

კომენტარის ველშიც მივუთითებთ, რომ მარტივად შეძლოთ ასლის გაკეთება.

მინიმალური, თუმცა უძვირფასესი შენატანია 1ლარი, მაქსიმალური კი – რამდენსაც ისურვებთ და რამდენსაც გაწვდებით. რაც უფრო მეტი თანხა შეგროვდება, მით მეტ სიხარულს, ბედნიერებას და განვითარებას შევიტანთ ბოლნისის ბაგა-ბაღებში.

თანხის შეგროვების და ხარჯვის პროცესი იქნება სრულიად გამჭვირვალე, რადგან “‘ნეკერის” გუნდის წევრები ანგარიშვალდებულებას და პასუხისმგებლობას ვგრძნობთ თითოეული შემომწირველის წინაშე’.’-ნათქვანია ორგანიზაციის გვერძე გამოქვეყნებულ ინფორმაციაში

საქართველოს ეტლით მოფარიკავე ქალთა ნაკრები ევროპის ჩემპიონია

0

საქართველოს ეტლით მოფარიკავე ქალთა ნაკრები პოლონეთის დედაქალაქ ვარშავაში მიმდინარე ევროპის ჩემპიონატის გამარჯვებულია. ქართველმა სპორტსმენებმა – ირმა ხეცურიანმა, ნინა თიბილაშვილმა და გვანცა ზადიშვილმა ფინალურ შეხვედრაში უკრაინის ნაკრებს ანგარიშით 45:42 სძლიეს და კონტინენტის ჩემპიონატზე ოქროს მედლებს დაეუფლნენ.

აღსანიშნავია, რომ ნინა თიბილაშვილმა თავი ინდივიდუალურ ასპარეზობაშიც გამოიჩინა. ქართველმა ეტლით მოფარიკავემ ვერცხლის მედალი მოიპოვა.

პარლამენტმა მედიკამენტებზე ზღვრული ფასების დაწესებას პირველი მოსმენით დაუჭირა მხარი

0

პარლამენტმა, პლენარული სხდომის ფორმატში, “წამლისა და ფარმაცევტული საქმიანობის შესახებ“ საქართველოს კანონში ცვლილების შეტანის თაობაზე პირველი მოსმენით იმსჯელა.

საკითხი დეპუტატებს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ თამარ გაბუნიამ გააცნო.

კანონპროექტი 2023 წლიდან მედიკამენტებზე რეფერენტული ფასების დაწესებას გულისხმობს. ცვლილების მიხედვით სახელმწიფო წამლების ღირებულების იმ მაქსიმალურ ზღვარს დაადგენს, რომელზე მაღალ ფასადაც მედიკამენტების რეალიზაცია აიკრძალება.

ასევე, დგინდება სამედიცინო და ფარმაცევტული საქმიანობის სახელმწიფო რეგულირების სააგენტოს ვალდებულება, განახორციელოს ფასების ზედამხედველობა.

საკანონმდებლო პაკეტის გათვალისწინებით, აღნიშნულ ფასზე მაღალი ფასით რეალიზაციის შემთხვევებისთვის დგინდება ადმინისტრაციული პასუხისმგებლობის ზომები.

რეფერენტული ფასები, პირველ ეტაპზე, ქრონიკული და ონკოლოგიური დაავადებების სამკურნალო პრეპარატებზე დაწესდება, ეტაპობრივად კი ფასების რეგულირების მექანიზმი სხვა ჯგუფის მედიკამენტებზეც გავრცელდება.

ცვლილების მიზანი ხარისხიანი მედიკამენტების ხელმისაწვდომობის გაზრდა, სამართლიანი ფასებისა და კონკურენტული ფარმაცევტული ბაზრის უზრუნველყოფაა.

რეფერენტული ფასების მექანიზმის შემუშავების პროცესში ჯანდაცვის სამინისტროს წარმომადგენლები, ადგილობრივ და საერთაშორისო ექსპერტებთან ერთად მუშაობენ.

 

 

სკოლა „დავითიანის“ მოსწავლეების აქტივობა უსაფრთხოების თემებზე

0

დღეს ბოლნისის  კერძო  საშუალო სკოლა „დავითიანის“ ადმინისტრაცია, პედაგოგები  და სახანძრო-სამაშველო სამსახურის მუშაობით დაინტერესებული მოსწავლეები,  სახანძრო სამსახურის ბოლნისის განყოფილებას ესტუმრნენ  სადაც ჩაუტარდათ წინასწარ დაგეგმილი პრაქტიკული სააღმზრდელო საინფორმაციო სიმულაციური ინსტრუქტაჟი სკოლისთვის პრიორიტეტულ , საჭირო, უსაფრთხოების თემაზე.

სახანძრო-სამაშველო სამსახურის თანამშრომლებმა მიმდებარე ტერიტორიაზე,  თვალსაჩინოების მიზნით, გამოფინეს ყველა ის აღჭურვილობა, რომელიც მათი საქმიანობის შემადგენელი ატრიბუტია. ბავშვებს დეტალურად აუხსნეს თითოეული ნივთის მნიშვნელობა, დაათვალიერებინეს სახანძროს მანქანა.

აღნიშნული აქტივობით სკოლა „დავითიანის“ მოსწავლეებმა ამომწურავად მიიღეს ინფორმაცია, თუ როგორ უნდა იმოქმედონ ხანძრისა და საგანგებო სიტუაციების დროს, პირადად გაიცნეს ის ადამიანები, რომლებიც მათი უსაფრთხოების სადარაჯოზე არიან. მოსწავლეებმა შეისწავლეს ის პრევენციული ღონისძიებები, რაც თავიდან აგვაცილებს უბედურ შემთხვევებს.

გენერალურ პროკურატურაში ფემიციდის დანაშაულების სისხლისსამართლებრივი და კრიმინოლოგიური ასპექტების თემაზე კონფერენცია გაიმართა

0

საქართველოს გენერალური პროკურატურის ორგანიზებით, ფემიციდის საინფორმაციო კამპანიის – „არა ფემიციდს“ ფარგლებში, აშშ-ის საელჩოსა და გაეროს ქალთა ორგანიზაციის მხარდაჭერით, ფემიციდის დანაშაულების სისხლისსამართლებრივი და კრიმინოლოგიური ასპექტების თემაზე კონფერენცია გაიმართა.

კონფერენციას, რომელიც საქართველოს გენერალური პროკურორის მოადგილემ, გიორგი გაბიტაშვილმა გახსნა, საქართველოს პროკურატურის, სახელმწიფო უწყებების, აშშ-ის საელჩოს, გაეროს ქალთა ორგანიზაციის, საერთაშორისო და არასამთავრობო ორგანიზაციების, პარლამენტის წარმომადგენლები და მოსამართლეები ესწრებოდნენ.

გენერალური პროკურორის მოადგილემ ისაუბრა საქართველოს პროკურატურის მიერ 2014 წლიდან დღემდე განხორციელებულ რეფორმებზე ქალთა მიმართ და ოჯახში ძალადობის დანაშაულებთან მიმართებით.

გიორგი გაბიტაშვილმა ხაზი გაუსვა მსგავს დანაშაულებზე უწყების მკაცრ სისხლის სამართლის პოლიტიკას და პროკურორთა სპეციალიზაციის მნიშვნელობას.

ასევე, ყურადღება გაამახვილა დაზარალებულთა მხარდაჭერის და ფემიციდის პრევენციის მიმართულებით კოორდინირებული მუშაობის გაძლიერების საჭიროებაზე.

მან მადლობა გადაუხადა აშშ-ის საელჩოს და გაეროს ქალთა ორგანიზაციას კამპანიის აქტიური მხარდაჭერისთვის.

კონფერენციაზე, გენერალური პროკურატურის ადამიანის უფლებათა დაცვის დეპარტამენტის წარმომადგენლებმა ფემიციდის საინფორმაციო კამპანიის ფარგლებში საზოგადოების ცნობიერების ამაღლების მიზნით ჩატარებული აქტივობების შესახებ, კონფერენციის მონაწილეებს პრეზენტაცია წარუდგინეს.

კონფერენციის ფარგლებში, ადამიანის უფლებათა დაცვის დეპარტამენტის წარმომადგენლებმა მიმოიხილეს ფემიციდის დანაშაულების სისხლისსამართლებრივი და კრიმინოლოგიური ასპექტები, ფემიციდის წინააღმდეგ ბრძოლის ტენდენციები, მიღწევები და გამოწვევები; გარდა ამისა, იმსჯელეს ფემიციდის სისხლის სამართლის საქმეებში გენდერული დისკრიმინაციის მოტივის იდენტიფიცირების შემთხვევებსა და სხვა მნიშვნელოვან კრიმინოლოგიურ ასპექტებზე.

შეხვედრაზე გაიმართა დისკუსია: მონაწილეებმა განიხილეს მოძალადეთა მიმართ არსებული სისხლის სამართლის პოლიტიკის, ძალადობასთან ეფექტიანი ბრძოლის მიზნით განხორციელებული აქტივობების და დასაგეგმ პრევენციულ ღონისძიებებთან დაკავშირებული საკითხები.

ფემიციდის წინააღმდეგ ბრძოლა საქართველოს პროკურატურის პრიორიტეტულ მიმართულებად რჩება. ფემიციდის საინფორმაციო კამპანიის ფარგლებში, რომელიც აშშ-ის საელჩოს და გაეროს ქალთა ორგანიზაციის (UN Women) მხარდაჭერით ხორციელდება, პროკურატურის წარმომადგენლები საქართველოს სხვადასხვა რეგიონსა და ქალაქში აქტიურად განაგრძობენ საზოგადოების წარმომადგენლებთან შეხვედრებს ქალთა მიმართ და ოჯახში ძალადობის წინააღმდეგ საზოგადოების ცნობიერების ამაღლების და ფემიციდის დანაშაულების პრევენციის მიზნით.

ტყის სოციალური ჭრის გაუქმების ვადა 2026 წლის 1 იანვრამდე გადაიწევს

0

გარემოს დაცვისა და ბუნებრივი რესურსების კომიტეტმა მეორე მოსმენით განიხილა მთავრობის მიერ საკანონმდებლო ინიციატივის წესით წარმოდგენილი კანონპროექტი „საქართველოს ტყის კოდექსში ცვლილების შეტანის შესახებ“.


გარემოს დაცვისა და სოფლის მეურნეობის მინისტრის მოადგილე ნინო თანდილაშვილმა განმარტა, რომ ტყის კოდექსის წარმოდგენილი ვერსია სოციალური ჭრის გაუქმების გადავადებას ითვალისწინებს.

„2026 წლის 1 იანვრამდე კვლავ იმოქმედებს ის წესები, რაც საშეშე-მერქნული რესურსის დამზადებასთან მიმართებით დღეს არსებობს. კერძოდ, ბილეთის საფუძველზე მოქალაქეებს ჩვეულებრივად შეეძლებათ საშეშე მერქნის დამზადება ტყის ტერიტორიაზე, რაც ბარში 7 კუბური მეტრი, მაღალ მთაში 15 კუბური მეტრის ოდენობით არის კომლზე გამოყოფილი. ხოლო 2026 წლის 1 იანვრიდან უკვე ტყის მართვის ორგანო – სატყეო სააგენტო უზრუნველყოფს საშეშე მერქნის დამზადებას, საქმიან ეზოებში განთავსებას და შესაბამისად მის ხელმისაწვდომობას მოქალაქეებისათვის სათბობი თუ სამასალე მიზნებისათვის“, – განაცხადა ნინო თანდილაშვილმა.


მისივე თქმით, ამ გადავადების მიზეზი ის არის, რომ სატყეო სააგენტოს დამატებით ესაჭიროება ვადა, რათა შესაბამისად მოემზადოს, საქართველოს მთელ ტერიტორიაზე მოაწყოს საქმიანი ეზოები, შეიძინოს ტექნიკა-აღჭურვილობა, გაძლიერდეს ადამიანური რესურსებით იმისათვის, რომ შეუფერხებლად განახორციელოს თავისი ფუნქცია-მოვალეობები.


კანონპროექტიდან გამომდინარე შესაბამისი ცვლილებები აისახება „ადმინისტრაციულ სამართალდარღვევათა კოდექსშიც”.


კანონპროექტს პარლამენტი დაჩქარებული წესით განიხილავს.

დავით შერაზადიშვილი „მერების შეთანხმება აღმოსავლეთ პარტნიორობის ქვეყნებში“ 10 წლის იუბილესადმი მიძღვნილ კონფერენციას დაესწრო

0

ქალაქ თბილისში ევროკავშირის მიერ დაფინანსებული პროექტის „მერების შეთანხმება – აღმოსავლეთ პარტნიორობა“ ფარგლებში, კონფერენცია „მერების შეთანხმების 10 წლისთავი აღმოსავლეთ პარტნიორობის რეგიონში“ გაიმართა. კონფერენცია „მერების შეთანხმება აღმოსავლეთ პარტნიორობის ქვეყნებში“ 10 წლის იუბილეს მიეძღვნა.

კონფერენციას 150-ზე მეტი მონაწილე ესწრებოდა, მათ შორის ადგილობრივი და ცენტრალური ხელისუფლების წარმომადგენლები, დაინტერესებული მხარეები სომხეთიდან, აზერბაიჯანიდან, მოლდავეთიდან და უკრაინიდან. კონფერენციას დაესწრო ბოლნისის მუნიციპალიტეტის მერი დავით შერაზადიშვილი.

ღონისძიებაზე, მომხსენებლებმა შეთანხმებისა და მისი ხელმომწერების მიერ მიღწეულ პროგრესზე ისაუბრეს. აღსანიშნავია, რომ ბოლნისის მუნიციპალიტეტი მერების შეთანხმებას 2015 წელს შეუერთდა. შეთანხმება მიზნად ისახავს, CO₂-ის შემცირებისა და კლიმატის ცვლილებასთან ადაპტაციის ღონისძიებების გატარებას.

ჯანდაცვის სამინისტროში პროფესიული განვითარების საბჭოს მორიგი სხდომა გაიმართა

0

შეხვედრაზე, სამედიცინო მომსახურების ხარისხთან დაკავშირებით, სამედიცინო და ფარმაცევტული საქმიანობის რეგულირების სააგენტოს მიერ შესწავლილი საკითხები განიხილეს და 11 ექიმის პროფესიულ პასუხისმგებლობაზე იმსჯელეს. საბჭოს გადაწყვეტილებით, სახელმწიფო სერტიფიკატის მოქმედება დროებით შეუჩერდა 7 ექიმს.

პროფესიული განვითარების საბჭო ექიმთა პროფესიული საქმიანობის საფუძვლიან და დეტალურ შესწავლას უზრუნველყოფს. განიხილავს პაციენტისთვის გაწეული სამედიცინო მომსახურების ხარისხს, სამედიცინო პერსონალის შესაძლო გადაცდომებს, პროფესიულ პასუხისმგებლობებსა და არაკეთილსინდისიერ/არაეთიკურ, პაციენტთან შეუსაბამო მოპყრობის შემთხვევებს.

მოქალაქისთვის გაწეული სამედიცინო დახმარების ხარისხის შესწავლის მიზნით, პროფესიული განვითარების საბჭო კვირაში ერთხელ იკრიბება. საბჭოს წევრებმა, 2022 წელს 296 ექიმის პროფესიულ პასუხისმგებლობაზე იმსჯელეს. მათ შორის, პროფესიული პასუხისმგებლობა დაეკისრა 219 ექიმს, აქედან 6 მედიკოსს სახელმწიფო სერტიფიკატი გაუუქმდა, 56 ექიმს კი სხვადასხვა ვადით შეუჩერდა.

მართვის მოწმობის პრაქტიკულ გამოცდაზე გასვლამდე, პირებს მანქანის ტექნიკური გამართულობის შემოწმება და კითხვებზე პასუხის გაცემა ვიზუალური ჩვენებით მოუწევთ

0

მართვის მოწმობის პრაქტიკული გამოცდის მეორე ეტაპზე, მგზავრობის დაწყებამდე სატრანსპორტო საშუალების ტექნიკური გამართულობის შემოწმება სავალდებულო იქნება.

ცვლილება შინაგან საქმეთა მინისტრის ბრძანებითაა (N598) გათვალისწინებული და ის 2023 წლის 1-ელი სექტემბრიდან ამოქმედდება.

კერძოდ, აღნიშნული მოთხოვნა გულისხმობს გამომცდელის დავალების შესაბამისად სატრანსპორტო საშუალების ტექნიკურ გამართულობასთან დაკავშირებით დასმულ კითხვებზე მძღოლობის კანდიდატის მიერ პასუხის გაცემას ვიზუალურად ჩვენებით, შესაბამისი ხელსაწყოს გამოყენებით ან სხვა მოქმედებით ან/და ზეპირად.

შეგახსენებთ, რომ „B“ და „BE“ კატეგორიის სატრანსპორტო საშუალების მართვის უფლების მისაღები პრაქტიკული გამოცდა ორეტაპიანი მიმდინარე წლის 25 აპრილიდან გახდა. პირველი ეტაპი კვლავ დახურულ მოედანზე ტარდება, ხოლო მეორე ეტაპი – რეალური საგზაო მოძრაობის პირობებში. მძღოლობის კანდიდატს უფლება აქვს პრაქტიკული გამოცდის პირველ ეტაპზე, თეორიული გამოცდის წარმატებით ჩაბარებიდან 30 კალენდარული დღის განმავლობაში გავიდეს, ხოლო პრაქტიკული გამოცდის მეორე ეტაპზე, პირველი ეტაპის წარმატებით ჩაბარებიდან 365 კალენდარული დღის განმავლობაში. ამასთან, პრაქტიკული გამოცდის მეორე ეტაპზე დაინტერესებული პირი დაიშვება (პირველადი გასვლა) პირველი ეტაპის წარმატებით ჩაბარებიდან არაუადრეს 15 დღისა.

პოპულარული სიახლეები

,,არის მომენტები, როცა სამყაროსგან განდგომა ყველაფერს გირჩევნია, მაგრამ ვიკრებთ...

0
 ცხოვრება სავსეა მოულოდნელი ბედნიერებითა და თავს დატეხილი სიურპრიზებით. თუ მასწავლებელი ხარ და ეს შენი ცხოვრების წესია, ნუ გამიჯნავ მას რეალური ცხოვრებისგან. შენს მოსწავლეებს დაანახე,...