მსოფლიო მემკვიდრეობის საერთაშორისო დღესთან დაკავშირებით, ბოლნისის კულტურის ცენტრის, კულტურული მემკვიდრეობისა და ძეგლთა დაცვის განყოფილების ინიციატივით, ახალგაზრდებთან საჯარო შეხვედრა ლექცია-სემინარის ფორმატში გაიმართა.
კულტურის ცენტრის საკონფერენციო დარბაზში, თბილისის სახელმწიფო უნივერსიტეტის ეთნოლოგია-ანთროპოლოგიის ინსტიტუტის პროფესორებმა მსმენელებისთვის შემდეგ თემებზე ისაუბრეს: „ტრადიციული ქართული სულიერი კულტურა – ეროვნული კულტურული მემკვიდრეობის ისტორიიდან“ და „ საქართველოში გერმანული კულტურული მემკვიდრეობის კვლევის ისტორია და მეთოდოლოგია“.
18 აპრილს ძეგლებისა და ღირსშესანიშნავი ადგილების საერთაშორისო დღე აღინიშნება. ეს დღე 1984 წელს UNESCO-სა და ICOMOS-ის (ძეგლებისა და ღირსშესანიშნავი ადგილების საერთაშორისო საბჭო) გადაწყვეტილებით დაწესდა და მას მთელი მსოფლიო აღნიშნავს. ამ დღის მიზანი კულტურული მემკვიდრეობის მრავალფეროვნების შესახებ საზოგადოებაში ცნობიერების ამაღლებაა.
