17 წელი ემიგრაციაში და ქარგვით ნაპოვნი სულიერი კავშირი შვილებსა და სამშობლოს შორის, ეს თამილა ლიპარტელიანი-ჩიქოვანია, რომელმაც სამშობლოდან შორს, სიყვარული, მონატრება და ნოსტალგია ქარგვით გადმოსცა. მისი ნამუშევრები ფერთა სიუხვითაა გამორჩეული და თითოეული მათგანი ინდივიდუალურია.
მისი 150-მდე ნაქარგი მალე ერთი კატალოგის ქვეშ გაერთიანდება და ეს იქნება გზავნილი იმ ქალებისთვის, რომელთა საქმიანობაც საზოგადოებისთვის მეტ-ნაკლებადაა ცნობილი.
კატალოგის იდეა და ინიციატივა „დაჯის სტუდიის“ დამფუძნებელს, დარეჯან ოქრუაშვილს ეკუთვნის. მის ობიექტივში ქალბატონი თამილას ყველა ნამუშევარი აისახება, შეიკვრება და ერთ წიგნად გამოიცემა.
