,,ვუერთდები ჩვენი გუნდის ინიციატივას და სამი თვის განმავლობაში, ხელფასის ერთ მესამედს StopCov ფონდში გადავრიცხავ. მიმაჩნია, რომ ამ განსაცდელში, „ქართული ოცნების“ და საპარლამენტო უმრავლესობის ინიციატივა ხაზს უსვამს გუნდის მაღალ პასუხისმგებლობას და ეფექტურ მენეჯმენტს.
ჩვენ, მოქალაქეებთან ერთად უკვე მეთექვსმეტე დღეა მკაცრი კარანტინისა და იზოლაციის პირობებში ვიმყოფებით და განსაკუთრებით კარგად გვესმის რას ნიშნავს ებრძოლო უხილავ მტერს. მიმაჩნია, რომ თითოეული ჩვენგანის ვალდებულებაა ეპიდემიის პრევენციის საქმეში საკუთარი წვლილი შევიტანოთ,”განაცხადა ბოლნისის მაჟორიტარმა დეპუტატმა გოგი მეშველიანმა.
