ბოლნისის მუნიციპალიტეტის მერიისა და გენდერული თანასწორობის საბჭოს ორგანიზებით მრავალშვილიან დედებთან საინფორმაციო შეხვედრა გაიმართა, სადაც მათ საჭიროებებზე მორგებული სერვისები გააცნეს. შეხვედრა არაოფიციალურ გარემოში გაიმართა. სტუმრებს შესაძლებლობა ჰქონდათ ღიად ესაუბრათ იმ პრობლემებზე და საკითხებზე, რომელიც დღის წესრიგში დგას.
აღსანიშნავია, რომ მუნიციპალიტეტის მერია გენდერული თანასწორობის საბჭოსთან ერთად არაერთ ღონისძიებას ახორციელებს, რომლის მიზანია ხელი შეუწყონ ქალთა აქტიურ ჩართულობას სხვადასხვა აქტივობაში.
