მიმდინარე წელს, ქალაქ ბოლნისის „ყარაბულახის“ სათავე ნაგებობის რეაბილიტაციისა და მიმდებარე სოფლების: ტანძია, იწრია, რატევანის წყალმომარაგების სისტემის პროექტირება-მშენებლობა დაიწყო. სამუშაოები ითვალისწინებს მაგისტრალური მილის რეაბილიტაციას, პოლიეთილენის მილების მოწყობას, რკინა-ბეტონის რეზერვუარის, სატუმბი სადგურისა და პროექტის ფარგლებში დაგეგმილი შესაბამისი ინფრასტრუქტურის მოწყობას.
აღნიშნული სამუშაოები 2023 წლის ზაფხულის ბოლოს დასრულდება, რომელიც სახელმწიფო ბიუჯეტიდან 6 მილიონ ლარზე მეტით დაფინანსდება.
საქართველოს გაერთიანებული წყალმომარაგების კომპანიის ინფორმაციით, პროექტის დასრულების შემდეგ, აღნიშნული სოფლები და ქალაქი, გაუმჯობესებული წყალმომარაგებით ისარგებლებს.
