ქვემო ბოლნისის ახალგაზრდულ სათემო ცენტრში, ნოვრუზ ბაირამის აღსანიშნავად, ღონისძიება გაიმართა. ახალგაზრდებმა მოწვეული სტუმრებისთვის ნოვრუზ ბაირამის მნიშვნელობასა და ტრადიციებზე მცირე პრეზენტაცია გამართეს და მუსიკალური ნომრები შეასრულეს.
ნოვრუზ ბაირამი 3 დღის განმავლობაში მიმდინარეობს, რომელიც გაზაფხულის, ახალი იმედების და განახლების დღესასწაულია.
გაეროს გენერალურმა ასამბლეამ 2010 წელს, ნოვრუზი საერთაშორისო დღედ აღიარა. 2009 წელს კი, იუნესკოს სამიტზე, ნოვრუზი ოფიციალურად იქნა შეტანილი კაცობრიობის არამატერიალური კულტურული მემკვიდრეობის სიაში.
2010 წელს, ნოვრუზ ბაირამი საქართველოში, საერთო სახალხო დღესასწაულად გამოცხადდა.
