ქალაქ ბოლნისში შიდა ქუჩების კეთილმოწყობის სამუშაოები აქტიურად მიმდინარეობს. გვარდება წლების მანძილზე არსებული პრობლემა, სამუშაოები ქალაქის რამდენიმე უბანზე პარალელურად ხორციელდება. მოსახლეობას არსენ იყალთოელის ქუჩაზე კომფორტულად გადაადგილების პრობლემა აღარ ექნებათ, რადგან აქ მოეწყო სანიაღვრეები და იგება ქვაფენილი. რეაბილიტაცია უტარდება დაზიანებულ ღობეებსაც. მიმდინარე სამუშაოები ბოლნისის მუნიციპალიტეტის მერმა საკრებულოს თავმჯდომარესთან და ადგილობრივი ხელისუფლების წარმომადგენლებთან ერთად დაათვალიერა. ქუჩის კეთილმოწყობა რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება.
- Advertisment -
