დღეს, ბოლნისის მუნიციპალიტეტის მერი დავით შერაზადიშვილი, ადგილობრივი თვითმმართველობის წარმომადგენლებთან ერთად, „სოფლის მხარდაჭერის პროგრამის“ ფარგლებში, მოსახლეობას ხატისოფელში, ვანათში, სამტრედოსა და რაჭისუბანში შეხვდა.
2023 წელს, პროგრამის ფარგლებში, მოსახლეობის გადაწყვეტილებით, ხატისოფელში, ვანათსა და სამტრედოში გარე განათების ქსელის მოწყობის სამუშაოები დასრულდება. რაჭისუბანში კი სარწყავი სისტემა მოწესრიგდება და გარე განათების ქსელის მოწყობის სამუშაოები დასრულდება.
შეგახსენებთ, რომ „სოფლის მხარდაჭერის პროგრამის ფარგლებში“, ცენტრალური ბიუჯეტიდან ბოლნისის მუნიციპალიტეტისთვის 714 000 ლარია გამოყოფილი, რომელიც სოფლად მცხოვრები მოქალაქეების საცხოვრებელი გარემოს გაუმჯობესებას მოხმარდება.
