ბოლნისის მუნიციპალიტეტის ძიუდოს დარბაზი, 2008 წლის აგვისტოს ომში საქართველოს ტერიტორიული მთლიანობისთვის ბრძოლაში დაღუპული საბა დადვანის ხსოვნისადმი მიძღვნილ საერთაშორისო ტურნირს მეთხუთმეტედ მასპინძლობს. ჩემპიონატი, ათ წონით კატეგორიაში გაიმართა, სადაც 2011 -2012 წლებში დაბადებულები ჭაბუკი ძიუდოისთები ასპარეზობენ.შეჯიბრში ორას სამოცდაათი სპორტსმენი მონაწილეობს. ორდღიან საერთაშორისო ტურნირში საქართველოს მუნიციპალიტეტების ნაკრები გუნდები იღებენ მონაწილეობას. ტურნირი თასებით, მედლებით და დიპლომებით ვეტერანების საქმეთა სახელმწიფო სამსახურმა უზრუნველყო, რომელიც პირველ, მეორე და მესამე ადგილზე გასულ სპორტსმენებს გადაეცემათ.ასევე ორ წონით კატეგორიაში ყველაზე ტექნიკური ძიუდოისტისთვის დაწესებულია სპეციალური პრიზი საბას თასი. შეგახსენებთ, რომ საბა დადვანი წარმატებული ძიუდოისტი, მრავალი ტურნირის ჩემპიონი და 60 კგ წონით კატეგორიაში საქართველოს პრიზიორი იყო.
- Advertisment -
