სოფელ ცურტავში ნოვრუზ ბაირამის დღესასწაულისადმი მიძღვნილი რეგიონალური ტურნირის ფინალური შეხვედრა გაიმართა მინი ფეხბურთში. ერთი თვის მანძილზე, ქვემო ქართლის სხვადასხვა მუნიციპალიტეტის 2009-2010 წლებში დაბადებული ნორჩი ფეხბურთელები ერთმანეთს ღირსეულ მეტოქეობას უწევდნენ. ფინალური მატჩი ცურტავის ახალ სტადიონზე, ბოლნისის მუნიციპალიტეტის მერიის განათლების, კულტურისა და სპორტის სამსახურის სკოლისგარეშე სასპორტო-საგანმანათლებლო დაწესებულების ორგანიზებით გაიმართა.
შეხვედრა ცურტავის „არზუს“ გამარჯვებით დასრულდა. აღსანიშნავია, რომ რეგიონალური ტურნირი უკვე მე-20-ე წელია იმართება და მისი მიზანია ჯანსაღი ცხოვრების წესის დანერგვა ახალგაზრდა თაობებში.
