ქალაქ ბოლნისში, რამდენიმე წელია ფუნქციონირებს ტურისტული ცენტრი. სააგენტოს თანამშრომლებმა გაიარეს არაერთი ტრენინგი და ვიზიტორებს ემსახურებიან, როგორც ადგილზე, ისე ონლაინ. აცნობენ ინფორმაციას იმ ღირსშესანიშნაობებსა და ტურისტულად საინტერესო ლოკაციებზე, რითაც ამაყობს ბოლნისი.
ცენტრი, დაინტერესებულ პირებს, აწვდის ინფორმაციას მუნიციპალიტეტში არსებული ტურისტული დანიშნულების ობიექტების შესახებ, როგორიცაა: განთავსებისა და კვების ობიექტები, საზოგადოებრივი ტრანსპორტის განრიგი, მუზეუმები, გალერეები, ღვინის საწარმოები და მარნები, ასევე კულტურული მემკვიდრეობის ძეგლები, დაცული ტერიტორიები, ეროვნული პარკები, ტურისტების ინტერესებიდან გამომდინარე, ეხმარებიან მარშრუტის დაგეგმვაში.
ტურიზმის საინფორმაციო ცენტრები, მოთხოვნებიდან გამომდინარე, ქვეყნის მასშტაბით სხვადასხვა რეგიონში გაიხსნა და მისი მიზანია საქართველოში ჩამოსული და ადგილობრივი ტურისტის სრულყოფილი ინფორმირება მომსახურების შესახებ.
