არასამთავრებო ორგანიზაცია ,,სამოქალაქო თანასწორობის პლატფორმა“-სა და ბოლნისის კულტურის ცენტრის ორგანიზებით დღეს, კულტურის ცენტრში, ნოვრუზ ბაირამის დღესასწაულთან დაკავშირებით, ღონისძიება გაიმართა, სადაც ეთნიკურად აზერბაიჯანელმა მოზარდებმა მოწვეული სტუმრებისთვის ნაციონალური ცეკვები და სიმღერები შეასრულეს და ტრადიციული ტკბილეულითა და კერძებით გაუმასპინძლდნენ. ნოვრუზ ბაირამის სახალხო დღესასწაული ეთნიკურ აზერბაიჯანელებს საქართველოს პარლამენტის წევრმა გოგი მეშველიანმა და მუნიციპალიტეტის მერმა დავით შერაზადიშვილმა მიულოცეს.