მხარეში სახელმწიფო რწმუნებულმა ადგილობრივების საჭიროებები პირადად მოისმინა და გადაჭრის გზებზე მათთან ერთად იმსჯელა.
გიორგი დოხტურიშვილის ინიციატივით, რეგიონის მასშტაბებიდან გამომდინარე, მოსახლეობასთან აქტიური და ეფექტური კომუნიკაციისთვის, გარდა სამხარეო ადმინისტრაცისა მოქალაქეთა მიღება მუნიციპალიტეტების ადმინისტრაციულ ცენტრებშიც გაიმართება.
,,მნიშვნელოვანია მოქალაქეებს ქონდეთ შესაძლებლობა ზედმეტი ბიუროკრატიის გარეშე შეხვდნენ რეგიონის ხელმძღვანელ პირებს და მათ წინაშე არსებულ საჭიროებებზე ისაუბრონ. სწორედ ამიტომ, მოქალაქეთა მიღება ყოველი კვირის ოთხშაბათს გაიმართება და სამხარეო ადმინისტრაციის გარდა, მხარის მასშტაბებიდან გამომდინარე, მოსახლეობას მუნიციპალიტეტების ადმინისტრაციულ ცენტრებში ადგილზეც შევხვდები. მსგავსი ფორმატის კომუნიკაცია, კიდევ უფრო მეტად, გაამარტივებს საზოგადოების წინაშე არსებული საჭიროებების გამოვლენასა და შესაბამისი პროცესის ეფექტურად მართვას“ – განაცხადა გიორგი დოხტურიშვილმა.
