დღეს კულტურის ცენტრში ურთიერთთანამშრომლობის მემორანდუმი გაფორმდა ორ ორგანიზაციას შორის, მემორანდუმის ხელმომწერები არიან ერთის მხრივ ანზორ ერქომაიშვილის სახელობის საქართველოს ფოლკლორის სახელმწიფო ცენტრის დირექტორი გიორგი დონაძე და მეორეს მხრივ ბოლნისის კულტურის ცენტრის დირექტორი სოსო კოპალეიშვილი. მხარეები მემორანდუმის ფარგლებში მზად არიან განავითარონ ორ ორგანიზაციას შორის თანამშრომლობა. გაცვლიან ცოდნას, გაუზიარებენ ერთმანეთს გამოცდილებას და ინფორმაციას კულტურის განვითარების სფეროში. განახორციელებენ სხვადასხვა სახის შემოქმედებით პროექტებს. როგორც სახელმწიფო ცენტრის დირექტორი აცხადებს ბოლნისი ერთ-ერთი წარმატებული მუნიციპალიტეტია, მემორანდუმის საფუძველზე კი უფრო განვითარდება.
- Advertisment -
