ქ. ბოლნისში, მერაბ კოსტავას ქუჩაზე არსებული გზის პრობლემები, სულ მალე მოგვარდება. ინფრასტრუქტურული პროექტის პირველ ეტაპზე, აღნიშნულ ქუჩაზე დაზიანებული ფასადების მოწყობითი სამუშაოები მიმდინარეობს, რის შემდეგაც გზაზე ადგილობრივი ბაზალტით ქვაფენილი დაიგება. საგზაო ინფრასტრუქტურული სამუშაოები ,,რეგიონებში განსახორციელებელი პროექტების ფონდისა“ და ადგილობრივი ბიუჯეტის თანადაფინანსებით მიმდინარეობს, მისი ღირებულება 579 000 ლარს შეადგენს. ინფრასტრუქტურული სამუშაოები ჯანდაცვის სამინისტროს რეკომენდაციების სრული დაცვით ხორციელდება.
