ბოლნისის ზრდასრულთა განათლების ცენტრში, გაეროს განვითარების პროგრამის მხარდაჭერით, კონფერენცია გაიმართა. შეხვედრას მუნიციპალიტეტში მოქმედი არასამთავრობო ორგანიზაციებისა და თვითმმართველი ორგანოს წარმომადგენელი პირები ესწრებოდნენ, რაც ორმხრივ ეფექტურ კომუნიკაციასა და ერთობლივ თანამშრომლობას ითვალისწინებდა. ღონისძიებაზე, სამოქალაქო სექტორის წარმომადგენლებმა, საქმიანობის ანგარიში წარმოადგინეს და იმ პროექტების პრეზენტაცია მოაწყვეს, რომელიც უახლოეს მომავალში ამოქმედდება.
კონფერენციას, საქართველოს პარლამენტის რეგიონული პოლიტიკისა და თვითმმართველობის კომიტეტიდან ხათუნა ხვიჩია და მუნიციპალიტეტის მერი დავით შერაზადიშვილი ესწრებოდნენ.
