დღეს ბოლნისის მუნიციპალიტეტის მერმა დავით შერაზადიშვილმა ინფრასტრუქტურის სამსახურის უფროსთან კონსტანტინე კორძაძესთან ერთად სოფელ ფარიზში მიმდინარე ინფრასტრუქტურული ობიექტი მოინახულა. სოფელში 500 გრძივ მეტრზე იგება ასფალტო-ბეტონის გზა და რეაბილიტაცია უტარდება არსებულ სარწყავ არხს. გზაზე გრუნტის სამუშაოები უკვე შესრულებულია და არხის რეაბილიტირების შემდეგ მოხდება გზის მოწყობის სამუშაოები, რომელსაც შპს „გზამშენი 2014“ აწარმოებს.
