გამორჩეული ხელოვანი, ბოლნისის მუნიციპალური თეატრის სამხატვრო ხელმძღვანელი ზურაბ ხვედელიძე, 65 წლის ასაკში გარდაიცვალა.
,,მთელი გულით ვუსამძიმრებ მის ოჯახს ამ ტრაგედიას. ბატონი ზურაბის ნიჭიერება, ინდივიდუალიზმი უდაოდ დააკლდება ქართულ თეატრალურ სამყაროს. სულ ცოტა ხნის წინ მუნიციპალიტეტის კულტურული ცხოვრების განვითარებაში შეტანილი წვლილისთვის მას საპატიო ბოლნისელის წოდება მიენიჭა. ბედნიერი ვარ, რომ მასთან ურთიერთობის, მეგობრობის შესაძლებლობა მქონდა და რაც მთავარია, მისი რეჟისურით დადგმული არაერთი სპექტაკლის ნახვის შანსი მომეცა. თითოეულ ბოლნისელს ვუსამძიმრებ ამ შესანიშნავი პიროვნების გარდაცვალებას,”-ბოლნისის მუნიციპალიტეტის მერი დავით შერაზადიშვილი.
