31 ოქტომბერს, ბოლნისის კულტურის სახლის სცენაზე, თბილისის სომხურმა სახელმწიფო დრამატულმა თეატრმა, რეგიონალური ტურნეს ფარგლებში ნოდარ დუმბაძის „საბრალდებლო დასკვნა“ წარმოადგინა. მსახიობებმა ქართულ ენაზე, სხვადასხვა წარსულის, ისტორიის, ხასიათისა და ეროვნების ადამიანები განასახიერეს, რომლებიც უმიზეზოდ დაპატიმრებულ ზაზა ნაკაშიძეს საკანში დახვდნენ და მცირე დოზით თავიანთ ცხოვრებისეულ გამოცდილებას უზიარებდნენ.
„თბილისის სომხური თეატრის გასტროლი საქართველოს რეგიონებში“ კულტურის, სპორტისა და ახალგაზრდობის სამინისტროს პროექტის ფარგლებში ხორციელდება.
