„ერთად დავასრულოთ სტერეოტიპები“ – ამ სლოგანით უერთდება წელს მეცამეტედ, საქართველოს დაუნის სინდრომის ასოციაცია დაუნის სინდრომის მსოფლიო დღეს. ბოლნისის საგანმანათლებლო-სარეაბილიტაციო დღის ცენტრის „განთიადის“ ბენეფიციარებს ბოლნისის მუნიციპალიტეტის მერი დავით შერაზადიშვილი, ჯანმრთელობისა და სოციალური დაცვის სამსახურის უფროსთან, იროდი უგრეხელიძესთან ერთად ესტუმრა, მათი მონაწილეობით მიმდინარე აქტივობას დაესრო, საჩუქრები გადასცა და ტრადიციული სამახსოვრო ფოტოებიც გადაიღო.
დაუნის სინდრომის მსოფლიო დღედ, 21 მარტი, გაერთიანებული ერების ორგანიზაციის ეგიდით 2011 წლის 10 ნოემბერს დაწესდა და მისი მიზანია, საზოგადოებას მიეწოდოს ინფორმაცია, რომ მოხდეს დაავადებულთა უფლებების დაცვა და მათი მონაწილეობა აქტიურ ცხოვრებაში.
