ბოლნისის მუნიციპალიტეტის მერიის ადმინისტრაციულ შენობაში იურიდიული დახმარების სამსახურის საკონსულტაციო ცენტრი საზეიმო ვითარებაში გაიხსნა. ლენტი, სსიპ იურიდიული დახმარების სამსახურის დირექტორმა დავით სიმონიამ ბოლნისის მუნიციპალიტეტის მერის მოადგილე ვალენტინა ნავერიანთან ერთად გაჭრა.
ცენტრის გახსნის შემდეგ, სამსახურის ხელმძღვანელმა თვითმმართველი ორგანოს წარმომადგენლებისთვის, მერიისა და საკრებულოს წევრებისთვის მცირე პრეზენტაცია გამართა, შეკრებილ საზოგადოებას უფასო სამართლებრივი დახმარების სისტემაზე და იურიდიული დახმარების სამსახურის სერვისებზე ესაუბრა.
იურიდიული დახმარების სამსახური 2007 წლიდან ფუნქციონირებს და ქვეყნის მასშტაბით, რიგით ორმოცდამესამე უფასო საკონსულტაციო ცენტრი გახსნა, რომელიც მოქალაქეებს საშუალებას აძლევს ადგილზე ისარგებლონ უფასო სამართლებრივი კონსულტაციით.
