21 აგვისტოს, სოფელ რატევანის საფეხბურთო მოედანზე, ააიპ 7×7 ფეხბურთის ასოციაციის ორგანიზებით, მასობრივი სამოყვარულო საფეხბურთო ჩემპიონატი “Master league” გაიმართა.
ფინალურ შეხვედრაზე ერთმანეთს სოფელ ქვემო ბოლნისის და სოფელ ცურტავის გუნდები დაუპირისპირდნენ, შეხვედრა ანგარიშით 8:0 ცურტავის გუნდის სასარგებლოდ დასრულდა.
გიორგი ბოჭორმელი, აღმოსავლეთ მასტერლიგის ხელმძღვანელი:
-დღეს ბოლნისში გაიმართა მუნიციპალური ეტაპი, რომელშიც ერთმანეთს ქვემო ბოლნისის და ცურტავის გუნდები დაუპირისპირდნენ. ფინალში გამოვლენილი გამარჯვებული გუნდები უკვე გადაინაცვლებენ ქვემო ქართლის ეტაპზე, სადაც საქართველოს მასშტაბით გამარჯვებულ გუნდებთან ერთად იასპარეზებენ.
ნუკრი ფოცხვერაშვილი, ბოლნისის მუნიციპალიტეტის კულტურის, სპორტისა და ახალგაზრდობის საქმეთა სამსახურის, სპეციალისტი სპორტის მიმართულებით:
-აღნიშნულ ტურნირს ბოლნისის მუნიციპალიტეტი უკვე მეოთხედ უერთდება. დღევანდელ შეხვედრაზე გამარჯვებული გუნდი გაემგზავრება თბილისში შემდეგი ეტაპისთვის. სამოყვარულო საფეხბურთო ჩემპიონატი საქართველოს მასშტაბით იმართება, მისი მიზანია ჯანსაღი ცხოვრების წესის დანერგვა და ქართული ფეხბურთის პოპულარიზაცია.
