თავისუფალ ჭიდაობაში სპორტის დამსახურებული ოსტატის, ღირსების ორდენის კავალერის აკაკი ქუქჩიშვილის ხსოვნას მიეძღვნა დღეს ბოლნისში გამართული ტურნირი. მან ათობით ათასი სპორტსმენი აღზარდა, მათ შორის ევროპის, მსოფლიოს და ყოფილი საბჭოთა კავშირის ჩემპიონები. მას იცნობენ , როგორც ბოლნისის კოლორიტს, თავისუფალი და ქართული ჭიდაობის ისტორიის შემქმნელს. ამ ღვაწლისთვის და დამსახურებისთვის, აკაკი ქუქჩიშვილის სახელობის მემორიალური ტურნირი, ბოლნისის მუნიციპალიტეტის მერიისა და სპორტულ-გამაჯანსაღებელი კომპლექსის მხარდაჭერით, უკვე მეორე წელია იმართება. ტურნირში საქართველოს 10 მუნიციპალიტეტიდან 135 ჭაბუკი სპორტსმენი იღებს მონაწილეობას, გახსნას, ბოლნისის მუნიციპალიტეტის მერი დავით შერაზადიშვილი და ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი დაესწრნენ.
აკაკი ქუქჩიშვილის სახელობის ტურნირის ჩატარება მიზნად ისახავს ახალგაზრდებში ჯანსაღი ცხოვრების წესის დამკვიდრებას.