ბოლნისში ახალი მრავალფუნქციური სპორტის სასახლე, გაიხსნა, სადაც მოეწყო, კრივის, ჭიდაობის, ძალოსნობის, კარატეს და სატრენაჟორო სივრცეები. შენობაში განთავსებულია კომპლექსის ფუნქციონირებისათვის აუცილებელი ყველა საჭირო, თუ დამხმარე ოთახები. დამონტაჟებულია ცენტრალური გათბობისა და გაგრილების სისტემები. კომპლექსის მიმდებარედ მოეწყო ღია ავტოსადგომი და გაკეთდა ლამპიონები. შენობა სრულად ადაპტირებულია შეზღუდული შესაძლებლობის მქონე პირთათვის. პროექტი მუნიციპალური განვითარების ფონდის მიერ დაფინანსდა და მისმა ღირებულებამ 2 566 362 ლარი შეადგინა. დასრულებული ინფრასტრუქტურული პროექტი ქვემო ქართლში სახელმწიფო რწმუნებულმა, საქართველოს მუნიციპალური განვითარების ფონდის აღმასრულებელ დირექტორთან, მის პირველ მოადგილესთან და ბოლნისის მუნიციპალიტეტის მერის მოვალეობის შემსრულებელთან ერთად მოინახულა.
- Advertisment -
