პირველი თებერვლიდან, ბოლნისის მუნიციპალიტეტში, „სოფლის მხარდაჭერის პროგრამის“ ფარგლებში, ყველა სოფელში საერთო კრებები გაიმართება, სადაც მოსახლეობა მათთვის პრიორიტეტულ პროექტებს დაასახელებს.
პროექტის ფარგლებში, მუნიციპალიტეტის მერი, წარმომადგენლებთან ერთად, სოფელ სენებში, ბერთაკარში, იწრიასა და ძეძვნარიანში მოსახლეობას შეხვდა, ადგილზე მოისმინა სოფლად არსებული პრობლემები და საჭიროებები, რომელიც ძირითადად გარე განათების დასრულებას და შიდა გზების მოწესრიგების სამუშაოებს ეხება.
მიმდინარე წელს, მთავრობის დადგენილებით, რეგიონებში განსახორციელებელი პროექტების ფონდიდან, ბოლნისის მუნიციპალიტეტის 48 სოფელსა და დაბისთვის 714 000 ლარია გამოყოფილი.
