დღეს ბოლნისის მუნიციპალიტეტის მერმა დავით შერაზადიშვილმა ტრადიციულად, საკრებულოს დეპუტატებს, არასამთავრობო სექტორს და მოწვეულ საზოგადოებას, 2022 წლის საქმიანობის ანგარიში წარუდგინა. წარდგენას ასევე ესწრებოდნენ ქვემო ქართლის სახელმწიფო რწმუნებული გიორგი დოხტურიშვილი, ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი, საკრებულოს თავმჯდომარე თამაზ ჟორჟოლიანი და წარმომადგენლები კომპანია ,,არემჯიდან“.
მერმა 2022 წლის მიმდინარე პროექტები შეაჯამა, მეტი თვალსაჩინოებისთვის პროექტორზე გადიოდა ვიდეო კადრები. მუნიციპალიტეტის მერმა თავის ანგარიშში ყურადღება გაამახვილა განხორციელებულ ინფრასტრუქტურულ პროექტებსა და სოციალურ პროგრამებზე.
მერმა თავის ანგარიშში აღნიშნა, რომ გასული წელი წარმატებული იყო არაერთი მიმართულებით. 2022 წელს 10299398 ლარის ღირებულების 93 ინფრასტრუქტურული პროექტი განხორციელდა. სოციალური და ჯანდაცვის პროგრამებში კი ჯამში 2707569 ლარის დახმარება 3136 ბენეფიციარს გაეწია. ანგარიშის წარდგენა კითხვა- პასუხის რეჟიმში დასრულდა.
