18 დეკემბერს, ბოლნისის თამაზ სტეფანიას სახელობის სტადიონზე, აფხაზეთის ჩემპიონთა ლიგის ფინალური შეხვედრა გაიმართა, სადაც ბოლნისელი ნორჩი ფეხბურთელები კასპის „განთიადს“ დაუპირისპირდნენ.
შეხვედრა მასპინძელთა უპირატესობით დაიწყო და დაძაბულ თამაშში მოწინააღმდეგე გუნდი 4:0 დაამარცხა.
საფეხბურთო ტურნირმა სტარტი 2024 წლის მარტში აიღო, სადაც ა და ბ ჯგუფებად დაკომპლექტებული 20 გუნდი მონაწილეობდა.
აფხაზეთის ჩემპიონთა ლიგა ყოველწლიურად აფხაზეთის ფეხბურთის ფედერაციის ორგანიზებით იმართება, რომლის მიზანია, ახალგაზრდა თაობაში, ფეხბურთის განვითარების ხელშეწყობა და ჯანსაღი ცხოვრების წესის დამკვიდრება.
