Avtomobil sahiblərinə ön yan şüşələri 60 faizə qədər tündləşdirməyə icazə verilib

Avtomobillərin ön yan şüşələrinin qaralması qaydalarında dəyişiklik edilib. Bu il iyulun 3-dən daxili işlər nazirinin əmri ilə həyata keçirilən dəyişikliklərə əsasən, nəqliyyat vasitələrinin sahiblərinə Gürcüstan Daxili İşlər Nazirliyinin razılığı olmadan ön yan şüşələrin 60%-ə qədər qaralmasına icazə verilib. Qeyd olunan dəyişikliklər həyata keçirilməzdən əvvəl ön yan şüşələrin qaralmasına 40% məhdudiyyət qoyulmuşdu. Sürücünün arxasında əyləşən sərnişinlərin yan tərəfində yerləşən yan şüşələrə gəlincə, 75%-lik limit hələ də onlara şamil olunur.