კომპანია „არემჯისა“ და საქართველოს პარლამენტის გარემოს დაცვისა და ბუნებრივი რესურსების კომიტეტთან არსებული ქვემო ქართლის რეგიონში დაბინძურების შემსწავლელი სამუშაო ჯგუფის ინიციატივით, ბოლნისისა და დმანისის მუნიციპალიტეტების მერები საწარმოს გარემოსდაცვით საქმიანობას ადგილზე გაეცნენ.ვიზიტის მიზანი არსებული გარემოსდაცვითი პროექტების გაცნობა, გამოწვევების შეფასება და სამომავლო გეგმების განხილვა იყო. ზამურ ჭითანავა და კობა მურადაშვილი, სამუშაო ჯგუფის წევრებთან ერთად, კომპანიის სხვადასხვა სტრატეგიულ ობიექტს ეწვივნენ . ვიზიტის ფარგლებში სტუმრებმა დაათვალიერეს მადნეულის ისტორიული კარიერი, მე-4 სანაყაროს მიმდებარედ მოწყობილი წყლის გამწმენდი ნაგებობა და წყალდამჭერი ინფრასტრუქტურა. ასევე მოინახულეს მე-2 სანაყაროზე განხორციელებული სარეკულტივაციო სამუშაოები და გაეცნენ, როგორც მოქმედ კუდსაცავს, ისე ახალი, მშრალი კუდსაცავის პროექტს.დელეგაციამ ასევე დაათვალიერა „არემჯი გოლდის“ საწარმოო უბანი, სადაც განთავსებულია სამსხვრევი საამქროები და დასხურების მოედნები, .საწარმოო ტერიტორიაზე საერთაშორისო ექსპერტების ჩართულობით აშენებული თანამედროვე წყლის გამწმენდი ნაგებობები,რომელიც ოთხ სხვადასხვა ლოკაციაზე უზრუნველყოფს მდინარეების ფოლადაურის, კაზრეთულასა და მაშავერას დაცვას საწარმოო და სანაყაროებიდან ჩამდინარე წყლებისგან. როგორც კომპანის წარმომადგენლები აცხადებენ,გარემოს დაცვის მიმართულებით, მუდმივად ხორციელდება მტვრისა და მავნე ნივთიერებების გაფრქვევის საწინააღმდეგო ღონისძიებები, მათ შორის გზების რეგულარული მორწყვა და სპეციალური აირმტვერდამჭერი სისტემების გამოყენება. ღია სამსხვრევ კვანძებზე კი მოწყობილია წყლის გამშხეფი სისტემები.ნიადაგის დაცვის მიზნით მიმდინარეობს სანაყაროების სტაბილიზაცია, ბიოლოგიური რეკულტივაცია და ფუნქციონირებს სანერგე მეურნეობა.
