ბოლნისის მუნიციპალიტეტში შიდა საგზაო ინფრასტრუქტურული სამუშაოები აქტიურ რეჟიმში მიმდინარეობს. სიონის ქუჩაზე ადგილობრივი ბაზალტით ქვაფენილის მოწყობის სამუშაოების დასკვნითი ეტაპი ბოლნისის მუნიციპალიტეტის მერის პირველმა მოადგილემ ბუბა გობეჯიშვილმა, ინფრასტრუქტურის სამსახურის უფროსთან კონსტანტინე კორძაძესთან ერთად მოინახულა.
სიონის ქუჩაზე სამუშაოები რამდენიმე ეტაპად განხორციელდა, რომელიც მიმდინარე წელს დასრულდება, დამონტაჟდება გარე განათებაც. სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება, რომლის დასრულების შემდეგ ბოლნისს კიდევ ერთი კეთილმოწყობილი ქუჩა შეემატება.