ბოლნისის მუნიციპალიტეტის სოფელ ქვეშის საჯარო სკოლის მოსწავლეები, ახალ სასწავლო წელს, რეაბილიტირებულ, ევროპული სტანდარტების შესაბამის სკოლაში შეაბიჯებენ. 70-იან წლებში აგებული შენობა სადემონტაჟო სამუშაოებს საჭიროებდა, გაკეთდა ფარმირებული პერანგი რაც შენობის სეისმურ მდგრადობას უზრუნველყოფს. მთლიანად სკოლა, სველი წერტილებით სრულად ადაპტირდა შეზღუდული შესაზლებლობების მქონე პირებისთვის. დამონტაჟდა ცენტრალური გათბობა და სავინტილაციო სისტემა. გარე სივრცეში გაკეთდება როგორც ხელოვნური, ასევე ბუნებრივ საფარიანი სპორტული მოედანი, დაიგება ასფალტის საფარი,დამონტაჟდა თანამედროვე სტანდარტების გამწმენდი ბიო ნაგებობა, კეთილმოეწყობა ეზო და შემოიღობება სკოლის გარე პერიმეტრი. აღსანიშნავია, რომ აღნიშნულ სკოლას სარეაბილიტაციო სამუშაოები პირველად უტარდება და ის ევროპული სტანდარტების შესაბამისი იქნება. საჯარო სკოლაში სარეაბილიტაციო სამუშაოები დღეს ბოლნისის მუნიციპალიტეტის მერმა ინფრასტრუქტურის სამსახურის უფროსთან ერთად მოინახულა.
- Advertisment -
