სოფელ მუშევანში სასმელი წყალი, რომელიც წლების მანძილზე მოსახლეობისთვის მთავარ პრობლემას წარმოადგენდა, დღეს სრულიად აღდგა. კომპანია არემჯისა და ბოლნისის მუნიციპალიტეტის მერიის ერთობლივი პროექტის ფარგლებში, გასულ წელს სოფელში სასმელი წყლის მოწყობის სამუშაოები დაიწყო და დღეიდან, 105 კომლს შეფერხების გარეშე მიეწოდება. ერთობლივი პროექტი კომპანია არემჯისა და ადგილობრივი ბიუჯეტის თანადაფინანსებით განხორციელდა, სოფელში მოეწყო ახალი ჭაბურღილი, 4800 გრძივი მეტრი ქსელი, აშენდა ორი რეზერვუარი და დაიქსელა სოფლის გარკვეული ნაწილი, რომლის საერთო ღირებულებამ 1 257 200 ლარი შეადგინა.
- Advertisment -
