სოფელ დისველში ახალგაზრდობის ხეივანი გაშენდება

0
68

„ტყე გავუშენოთ შვილებსა, ეს ჩვენი ვალია“ ამ ლოზუნგის ქვეშ, დისველის ასლან შაინიძის სახელობის საჯარო სკოლამ, მთელი სოფელი გააერთიანა და  პროექტის ფარგლებში, გამწვანების აქცია მოაწყო.

მასშტაბური სასკოლო პროექტის ფარგლებში მოსწავლეებმა, მოწვეული სტუმრებისთვის ინტერპრეტირებული „რწყილი და ჭიანჭველა“ ითამაშეს, სადაც პატარებმა ეკოლოგიური კატასტროფა დაგმეს.  მინი სპექტაკლის შემდეგ მონაწილეები მოწვეულ სტუმრებთან ერთად, მწვანე განაშენიანებისთვის გამოყოფილ ტერიტორიაზე გავიდნენ და 60-მდე ხე-მცენარე მათთან ერთად დარგეს. აღსანიშნავია, რომ სასკოლო პროექტი ადგილობრივი თვითმმართველობისა და ბოლნისის მაჟორიტარი დეპუტატის ბიუროს მხარდაჭერითა და გვერდში დგომით განხორციელდა, სადაც ასევე ფინანსურ მონაწილეობას ფერმერებიც იღებდნენ.

სოფელ დისველში მოწვეულ სტუმრებს შორის მეუფე ეფრემი,  მუნიციპალიტეტის მერის პირველი მოადგილე ბუბა გობეჯიშვილი და ადგილობრივი საგანმანათლებლო რესურსცენტრის ხელმძღვანელი იამზე სვანიძე სხვა წარმომადგენლებთან ერთად იმყოფებოდნენ.