სამშაბათი, მაისი 21, 2024
spot_img

სოფელ ბალიჭში დამზადებული საპონი “დემა” დუბაის ბაზარზე გაიყიდება

სოფელ ბალიჭში სამკურნალო მცენარეებისგან დამზადებული ნატურალური სამკურნალო საპონი “დემა” მალე დუბაის ბაზარზე გაიყიდება.
როგორც “დემას” დამფუძნებელი პედაგოგი მაია დევნოზაშვილი ამბობს, დუბაის გარდა დაინტერესება იაპონიიდანაც აქვთ.
“ჩვენი პროდუქცია ტურისტულ მაღაზიებში იყიდება. ადგილობრივ ბაზარზე მოთხოვნა მაღალია, თუმცა, ვფიქრობ, უფრო აქტიური რეკლამირებაა საჭირო. რაც შეეხება ექსპორტის მიმართულებას, საცდელი ნიმუშები დუბაიში გვაქვს გატანილი და სავარაუდოდ, მალე პროდუქტის გაგზავნასაც შევძლებთ. ასევე დაინტერესებულები არიან იაპონიიდანაც” – ამბობს “დემას” დამფუძნებელი.

აღსანიშნავია,რომ ,,დემა” ბაზარზე 2016 წლიდან გამოჩნდა და მომხმარებელს დღეს უკვე 32 სახეობის საპონს და სხვადასხვა თავის მოვლის საშუალებს სთავაზობს, ბოლნისელმა პედაგოგმა, მაია დევნოზაშვილმა, ,,დემას“ საპნების დამზადება, პროგრამა ,,აწარმოე საქართველოში“ ფარგლებში მოპოვებული 5 ათას ლარიანი დაფინანსებით 2016 წელს დაიწყო,წარმოებისთვის საჭირო პროდუქცია და ინვენტარი შეიძინა და ადგილზე მცირე საწარმო შექმნა და რამდენიმე ადგილობრივიც დაასაქმა. თავდაპირველად რამდენიმე სახეობის, სამკურნალო თვისებებისა და ანთებითი დაავადებების საწინააღმდეგო საპონის დამზადება დაიწყო,რომლის რეალიზებაც რამდენიმე სააფთიაქო ქსელში ტურისტულ მაღაზიებსა და ონლაინ არის შესაძლებელი.
აღსანიშნავია, რომ საპონი ხელით, მინიმალური ელექტრო ჩარევით მზადდება და არ შეიცავს ქიმიურ დანამატებს.

მსგავსი სტატიები
- Advertisment -spot_img

ყველაზე პოპულარული

ბოლო კომენტარები