ორწლიანი პაუზის შემდეგ, 30 სექტემბერს, ბოლნისის მუნიციპალიტეტი გიწვევთ სახალხო დღესასწაულზე „ბოლნისქალაქობა 2022“

0
284

„ბოლნისქალაქობა 2022“-ის სტუმრებს 15:00 საათიდან, ძველ გერმანულ უბანში, საბავშვო სივრცე, ბოლნისის მუნიციპალიტეტისა და ქვემო ქართლის მუნიციპალიტეტების კუთხეები, სხვადასხვა სახეობის ქართული ღვინის, სოფლის მეურნეობის პროდუქტებისა და ქართული ნუგბარის დეგუსტაცია-გამოფენა-გაყიდვა, ბოლნისის მუნიციპალური თეატრის, ბოლნისის კულტურის ცენტრისა და ბოლნისში მოქმედი სკოლების შემოქმედებითი კოლექტივების აქტივობები დახვდებათ. სახალხო დღესასწაულზე ტრადიციულად დაიწურება ყურძენი.19:00 საათზე „ბოლნისქალაქობა 2022“-ის პროგრამა გაგრძელდება გალა-კონცერტით, რომელშიც მონაწილეობას ევგენი მიქელაძის სახელობის საქართველოს სიმფონიური ორკესტრი, ნიკოლოზ რაჭველის დირიჟორობით, ნატო მეტონიძე, ანსამბლი „შვიდკაცა“, ლევან დეისაძის ბენდი და სპეციალური მოწვევით ნიკოლოზ ქაჯაია მიიღებენ.ღონისძიების ფარგლებში, გაიმართება ბოლნისის საპატიო მოქალაქეების დაჯილდოების ცერემონია. სახალხო დღესასწაული კი გრანდიოზული ფოიერვერკითა და დიჯეის სეტით დასრულდება.

წინა სტატიაბოლნისის მუნიციპალიტეტის გენდერულ ღონისძიებათა 2022-2024 სამოქმედო გეგმის ფარგლებში შეხვედრები დაიწყო
შემდეგი სტატიასოხუმის დაცემიდან 29 წელი გავიდა